இ
1. பெயரற்றது
* மொழி தோற்றுப்போகும் என ஒப்புக்கொள்கிறவர்களால் மட்டுமே
கேட்கமுடியும்
மௌனத்தின் உரையாடலை
* நேசம் என்பதொரு சொல்
நேசம் என்பதொரு உணர்வு
நேசம் என்பதொரு மாயை
நேசம் என்பதொரு வர்த்தகப் பெயர்
* அடைத்துக் கிடக்கும்
வீட்டுக்குள்ளும்
வருகிறது போகிறது
காற்று
2. விண்ணப்பம்
நோயாளிகளை உற்பத்தி செய்யுங்கள்
மருத்துவர்களுக்கு
வேலைகொடுங்கள்
குற்றவாளிகளை உற்பத்திசெய்யுங்கள்
நீதிமான்களுக்கு
வேலைகொடுங்கள்
கையேந்திகளை உற்பத்திசெய்யுங்கள்
கருணாமூர்த்திகளுக்கு
வேலைகொடுங்கள்
பாவிகளை உற்பத்திசெய்யுங்கள்
மீட்பர்களுக்கு
வேலை கொடுங்கள்
No comments:
Post a Comment